UŞAQLIQ CİSMİ XƏRÇƏNGİNİN MİNİMAL İNVAZİV CƏRRAHİ MÜALİCƏSİNİN XƏSTƏLİYİN PROQNOZUNA TƏSİRİ

Xülasə

Məqalədə uşaqlıq cismi xərçənginə (UCX) görə minimal invaziv cərrahi üsulla müalicə edilmiş xəstələrdə uşaqlıq manipulyatoru (UM) istifadəsinin onkoloji proqnoza təsirinin öyrənilməsi məqsədilə aparılmış tədqiqat haqqında məlumat verilmişdir. Tədqiqat ATU-nun Onkoloji Klinikasında 2018 və 2024-cü illər arasında endometrium xərçəngi diaqnozu ilə cərrahi əməliyyat icra edilən 116 xəstə üzərində aparılmışdır. Onlardan 95 xəstədə UM istifadə edilmiş, 21-də isə istifadə edilməmişdir. UM istifadəsinin residivvermə və sağalma göstəriciləri ilə əlaqəsi qiymətləndirilmiş və təhlil edilmişdir. Əldə edilmiş nəticələrə əsasən laparoskopik əməliyyat müddətində UM-dən istifadə olunması residivvermə və sağalma göstəricilərinə neqativ təsir etməmişdir.