РАННИЕ И ПОЗДНИЕ ОСЛОЖНЕНИЯ КОМПРЕССИОННЫХ ШВОВ НА МАТКЕ ПРИ АТОНИЧЕСКИХ КРОВОТОЧЕНИЯХ

C.F. Qurbanova; N.S. Məhərrəmov; L.R. Süleymanova

doi:10.34921/amj.2026.2.012

Müəlliflər

C.F. Qurbanova Elmi-Tədqiqat Mamalıq və Ginekologiya İnstitutu
N.S. Məhərrəmov Ə.Əliyev ad. Azərbaycan Dövlət Həkimləri Təkmilləşdirilmə İnstitutu
L.R. Süleymanova Elmi-Tədqiqat Mamalıq və Ginekologiya İnstitutu

DOI

https://doi.org/10.34921/amj.2026.2.012

Açar sözlər

zahılıq dövrünün qanaxmaları, kompression tikişlər, B-Linç tikişləri, Hayman tikişləri, uşaqlıqdaxili bitişmələr

Xülasə

Məqalədə atonik uşaqlıq qanaxmaları zamanı B-Linç və Hayman tikişlərinin effektivliyini və reproduktiv nəticələrə təsirini öyrənmək məqsədilə aparılmış tədqiqat işi haqqında məlumat verilmişdir. Tədqiqata uşaqlıq atoniyası ilə əlaqəli doğuşdan sonrakı qanaxması olan 103 pasiyent daxil edilmişdir: 38 pasiyentə B-Linç, 65 pasiyentə isə Hayman tikişi tətbiq edilmişdir. Erkən postoperativ ağırlaşmalar və uzaq reproduktiv nəticələr qiymətləndirilmişdir. Ağırlaşmalar B-Linç qrupunda daha tez-tez müşahidə olunmuşdur. Aşerman sindromunun tezliyi B-Linç qrupunda 7,9%, Hayman qrupunda isə 0% olmuşdur (p=0,048). İkincili sonsuzluq da B-Linç qrupunda daha artıq olmuşdur (13,2% qarşı 1,5%, p=0,025). Əməliyyatın müddəti B-Linç qrupunda əhəmiyyətli dərəcədə uzun olmuşdur (82,4±16,4 dəq qarşı 64,7±14,3 dəq, p<0.001). Nəticələr göstərmişdir ki, B-Linç üsulu endometrium və reproduktiv funksiya baxımından daha az əlverişlidir. Hayman üsulunun nəticəsi qənaətbəxşdir və bu üsul fertilliyin qorunmasına daha yaxşı şərait yarada bilər.