POSTCOVİD DÖNƏMİNDƏ UŞAQLARLA MÜQAYİSƏDƏ BÖYÜKLƏRDƏ SUÇİÇƏYİNİN GEDİŞİNİN FƏRQLİ XÜSUSİYYƏTLƏRİ VƏ BU XƏSTƏLİYİN SPESİFİK PROFİLAKTİKASININ ƏHƏMİYYƏTİ
DOI
https://doi.org/10.34921/amj.2025.3.01Açar sözlər
postkovid dövrü, suçiçəyi, klinik gediş, immun sistem, vaksinasiya, profilaktika, bullyoz səpgiXülasə
Məqalədə postkovid dönəmində uşaqlarla müqayisədə böyüklərdə suçiçəyi xəstəliyinin klinik gedişinin fərqlərini və spesifik profilaktikanın rolunu araşdımaq məqsədilə aparılmış tədqiqat işi haqqında məlumat verilmişdir. Tədqiqat zamanı ümumilikdə 91 pasiyentin – 6 ayla 18 yaş arasında olan 63 uşağın və 18 yaşdan yuxarı olan 28 böyüyün klinik və laborator göstəriciləri müqayisə edilmişdir. Tədqiqata suçiçəyi əleyhinə peyvənd edilməyən pasiyentlər daxil edilmişdir. Müxtəlif yaş qruplarında simptomlar və laborator göstəricilər təhlil edilmişdir. Statistik analiz nəticəsində uşaqlarla müqayisədə böyüklərdə bədən temperaturu, ALT və AST-nin səviyyələri, leykosit və CRP kimi göstəricilərdə yüksək artım müşahidə olunmuş və əhəmiyyətli fərqlər qeydə alınmışdır ((p<0,05). Böyüklərdə daha çox rast gəlinən klinik əlamətlərə baş ağrısı, bullyoz və hemorragik səpgilər aiddir. Uşaqlarda isə xəstəlik əsasən yüngül səpgilərlə və qısamüddətli gedişlə xarakterizə olunur (p<0,001). Postkovid dövründə böyüklərdə suçiçəyinin daha ağır keçməsi immun sistemin zəifləməsi, spesifik profilaktikanın aparılmaması və xəstələrin əksəriyyətində yanaşı xronik xəstəliklərlə əlaqələndirilmişdir. Bu vəziyyət risk qrupuna daxil olan əhali üçün peyvəndləmə və profilaktik tədbirlərin zəruriliyini göstərir.
Downloads
Endirin
Yayımlanıb
Necə istinad edilir
Nömrə
Bölmə
Lisenziya
Müəllif hüququ (c) 2025 Azərbaycan Tibb Jurnalı

Bu çalışma Creative Commons Attribution 4.0 International License ile lisenziyalanıb.


