DONOR HEPATEKTOMİYASINDAN SONRA ERKƏN QARACİYƏR DİSFUNKSİYASI ÜÇÜN TOTAL HİSTON H3 SƏVİYYƏSİNİN PROQNOSTİK ƏHƏMİYYƏTİ

Xülasə

Donor hepatektomiyasından sonra yaranan erkən qaraciyər disfunksiyasının proqnozlaşdırıl­ması məqsədilə qanda sirkulyasiya edən histonlar yeni bir biomarker kimi araşdırılmışdır. Tədqi­qat işi qaraciyər transplantasiyası üçün hepatektomiya edilən 86 canlı donorun əməliyyat nəticələrinin təh­lili əsasında aparılmışdır. Əməliyyatdan sonrakı ilk gün bütün donorlardan qan nümunələri toplanmış və histon H₃ səviyyəsi ELISA reaktiv dəsti vasitəsilə təyin edilmişdir. ISGLS təsnifatına uyğun olaraq 23 (26,7%) donorda qaraciyər funksiyasının bərpasında gecikmə izlənmiş, digər 63 (73,3%) donorda isə qaraciyər funksiyasının bərpası adekvat olmuşdur. Ekstrasellülyar histon H₃ səviyyəsi qaraciyər funksiyasının bərpası gecikən donorlar qrupunda (0,776±0,018), qaraciyər funk­­si­yasının bərpası adekvat olan qrupla müqayisədə (0,846±0,019) statistik əhəmiyyətli dərəcədə fərq­lənmişdir. Qanda sirkulyasiya edən sərbəst histonların qaraciyər disfunksiyası üçün prediktiv AUC dəyəri (0,618±0,06) digər biokimyəvi analizlərlə müqayisədə yüksək olmuşdur. Ümumi histon H₃ səviyyəsinin ROC əyrisindən əldə edilmiş optimal kəsmə dəyəri (<0,895) qaraciyər disfunk­siyası üçün 95,7% proqnostik həssalıqla və 37,3% spesifikliklə, müqayisə edilən digər parametrlərdən yük­sək qeyd edilmişdir (p<0,01). Tək parametrik və logistik reqressiya analizləri ekstrasellülyar his­tonların hepatektomiyadan sonrakı erkən dövrdə qaraciyər disfunksiyası üçün müstəqil risk ami­li olduğunu (Odds ratio-13,1) və ilk 24 saatda prediktiv dəyərinin standart qaraciyər testlərin­dən üstün olduğunu təsdiq etdi.