AZƏRBAYCAN RESPUBLİKASINDA HƏQİQİ AKANTOLİTİK PEMFİQUSUN KLİNİK XÜSUSİYYƏTLƏRİ

Xülasə

Məqalədə həqiqi akantolitik pemfiqusun (HAP) gedişatının klinik xüsusiyyətlərini öyrənmək məqsədilə aparilmış tədqiqat işi haqqında məlumat verilmişdir. Tədqiqata 163 pasiyent cəlb edilmişdir. Akantolitik hüceyrələri aşkar etmək üçün sitoloji tədqiqatlar, 1 və 3-cü növ antidesmoqleinləri aşkar etmək üçün immunohistokimyəvi tədqiqatlar aparılmış, HAP-ın gedişatının ağırlıq dərəcəsinin müəyyən edilməsi üçün Mahacan qiymətləndirmə sistemindən istifadə edilmişdir. Aparılmış tədqiqatlar nəticəsində məlum olmuşdur ki, Azərbaycan Respublikasında HAP 40-65 yaşlı qadınlarda daha çox yayılmışdır. Pasiyentlərdə xəstəliyin dəri və ağız boşluğunun selikli qişasının yanaşı zədələnmələri ilə müşayiət edilən orta ağırlıqlı vulqar formasına daha çox rast gəlinir.