İKİNCİLİ TAM ADENTİYANIN ORTOPEDİK MÜALİCƏSİNDƏN SONRA PASİYENTLƏRİN HƏYAT KEYFİYYƏTİ

Xülasə

Məqalədə ikincili tam adentiyanın tam çıxarılan lövhəli protezlə ortopedik müalicəsindən sonra pasiyentin həyat keyfiyyətinin öyrənilməsinə dair tədqiqatın nəticələri əks etdirilmişdir. Tədqiqata 45-90 yaş arasında 102 (50,0%) kişi, 102 (50,0%) qadın olmaqla 204 pasiyentin müayinəsinin nəticələri əks etdirilmişdir. Bundan ötrü təkmilləşdirilmiş üsulla ortopedik müalicədən əvvəl və 33 gün sonra həyat keyfiyyətini qiymətləndirmək üçün OHİP-14 Ru sorğu anketindən istifadə edilmişdir. İkincili tam adentiyanın ortopedik müalicəsindən 33 gün sonra pasiyentlərin həyat keyfiyyətində yaxşılaşma müşahidə edilmişdir. Müalicədən sonra 60-74 yaşlı pasiyentlərin həyat keyfiyyəti 1,2 dəfə yaxşılaşır ki, bu da 45-59 yaşlı pasiyentlər üçün göstəricini üstələyir. Müalicədən sonra nisbətən böyük yaş qruplarından olan pasiyentlərin həyat keyfiyyəti xüsusilə yüksək olur. 75-90 yaşlı pasiyentlərin həyat keyfiyyəti 1,4 dəfə yaxşılaşır ki, bu da 45-59 və 60-74 yaşlı pasiyentlər üçün göstəricini üstələyir. İkincili tam adentiya zamanı tam çıxarılan lövhəli protezlərin təkmilləşdirilmiş üsulla hazırlanması digər ortopedik müalicə növlərinə nisbətən həyat keyfiyyətinin daha çox yaxşılaşması ilə nəticələnir.