YÜKSƏK-NORMAL ARTERİAL TƏZYİQİ OLAN ŞƏXSLƏRDƏ ÜRƏK RİTMİNİN VARİABELLİYİ

Xülasə

Məqalədə yüksək-normal arterialф təzyiqi (YNAT) olan şəxslərdə ürək ritminin variabelliyinin (ÜRV) vəziyyətini öyrənmək məqsədilə aparılmış tədqiqat işi haqqında məlumat verilmişdir. Tədqiqata yaşı 19-dan 59-a qədər olan 90 nəfər cəlb edilmişdir. Onlar 3 qrupa bölünmüşdür: əsas qrup – YNAT olanlar (n=30), müqayisə qrupu  I dərəcəli arterial hipertenziyası olanlar (n=30) və kontrol qrupu  arterial təzyiqi normal olanlar (n=30). İştirakçıların EKQ göstəriciləri təhlil edilmiş, əsas qrupda alınan nəticələr kontrol qrupda olanlarla müqayisə edilmişdir. YNAT olan şəxslərdə ÜRV-nin dövri parametrinin göstəricilərinin kontrol qrupu ilə müqaisəli təhlili zamanı YNAT olan şəxslərdə ÜRV-nin tədqiqi simpatik aktivliyin artması və tədricən vaqal tormozlaşmanın başlaması müşahidə edilmişdir. Bu isə ölümcül aritmiyalar və qəfil ürək ölümü kimi ağırlaşmaların meydana gəlməsində erkən proqnozlaşdırıcı əlamət kimi təzahür edir.