ALGORITHM FOR PREDICTING THE DEVELOPMENT OF ATOPIC MARCH IN CHILDREN WITH ATOPIC DERMATITIS INFECTED WITH HERPES SIMPLEX VIRUS

Abstract

Məqalədə, Herpes simplex virusuna yoluxmuş atopik dermatitli (AtD) uşaqlarda atopik patologiyanın inkişafını və gedişini proqnozlaşdırmaq üçün alqoritm hazırlamaq məqsədilə yaşı 2-dən 12-qədər olan 140 AtD-li xəstə və 70 praktik sağlam uşaq üzərində aparılan araşdırmanın nəticələri təqdim edilir. Herpes virusu infeksiyası fonunda AtD olan uşaqlarda atopiya həmləsinin inkişaf ehtimalını proqnozlaşdırmaq üçün riyazi model hazırlamaq məqsədilə ikili logistik reqressiya metodundan istifadə edilmişdir. Hazırlanmış modelin keyfiyyəti ROC əyrisi (AUC) altındakı sahənin hesablanması ilə ROC analizindən istifadə edilməklə aparılmışdır. Tədqiqat sayəsində çoxsaylı logistik reqression təhlil vasitəsilə herpes simplex virusu ilə yoluxmuş atopik dermatitli uşaqlarda atopiya həmlələrinin törənməsinin proqnostik alqoritmi hazırlanmışdır. Məlum olmuşdur ki, qanda vasoendotelial böyümə faktorunun 19,15 nq/ml-lik səviyyəsi, herpes simplex virusuna yoluxmuş atopik dermatit olan uşaqlarda "atopik yürüş"ün inkişafını proqnozlaşdırmaq üçün “ayrılma nöqtəsi” hesab edilə bilər. Hazırlanmış alqoritm yüksək həssaslığa (82%), spesifikliyə (90%) və proqnozlaşdırıcı əhəmiyyətə (90%) malikdir ki, bu da onun klinik praktikada istifadəsini tövsiyə etməyə imkan verir