REPRODUKTİV YAŞDA OLAN QADINLARDA İNSAN PAPİLLOMA VİRUSU İLƏ İNFEKSİYALAŞMANIN RİSK AMİLLƏRİ

Xülasə

İnsanın papilloma virusu (İPV) infeksiyasının risk amillərinin qiymətləndirilməsi üçün 18-44 yaşlı 312 qadın arasında hadisə-kontrol retrospektiv müayinəsi aparılmışdır.  Xəstələr iki qrupa bölünmüşdür: əsas  qrupa – yüksək onkogen riskli insan papillomavirusu aşkar edilmiş 232 qadın, kontrol qrupa – İPV-testləşmənin  mənfi nəticələri olan 80 qadın daxil edilmişdir. Tədqiqatdan aydın olmuşdur ki,  İPV ilə infeksiyalaşmanın əsas risk amillərinə aşağıdakılar aiddir:  pasiyentin gənc yaşda olması, ailə vəziyyəti, ali təhsilinin olmaması, siqaretçəkmə, spirtli içkilərdən istifadə, cinsi həyata erkən başlama, oliqomenoreya, xəstələrin qohumlarında hər hansı lokalizasiyalı onkoloji xəstəliklərin olması, müxtəlif kontrasepsiya metodlarının tətbiqinin, uşaqlıq boynunda cərrahi manipulyasiyaların, doğuşların və abortların sayının, yaxın qohumlarda somatik xəstəliklərin olmasının risk amili kimi rolu olduğu təsdiq edilməmişdir. İPV barəsində məlumatlılıq da həmçinin   infeksiyalaşma riskini aşağı salmamışdır (p>0,05). İPV-nin geniş yayılmasının səbəbinin aşkar edilməsi  son dərəcə mühüm epidemioloji əhəmiyyət daşıyır və  xəstəliyin səmərəli profilaktika tədbirlərinin  hazırlanması üçün zəmin yaradır.