ALLERGİK RİNİTİN MÜALİCƏSİNDƏ ALLERGEN-İMMUNOTERAPİYANIN ROLU VƏ KLİNİK ƏHƏMİYYƏTİ

L.İ. Allahverdiyeva; Ş.H. İbrahimova; A.Q. Ağayeva; G.H. İbrahimova

doi:10.34921/amj.2026.2.031

Müəlliflər

L.İ. Allahverdiyeva Azərbaycan Tibb Universitetinin Allerqologiya və immunologiya kafedrası
Ş.H. İbrahimova Azərbaycan Tibb Universitetinin Allerqologiya və immunologiya kafedrası
A.Q. Ağayeva Azərbaycan Tibb Universitetinin Allerqologiya və immunologiya kafedrası
G.H. İbrahimova Azərbaycan Tibb Universitetinin Patoloji fiziologiya kafedrası

DOI

https://doi.org/10.34921/amj.2026.2.031

Açar sözlər

allergik rinit, immunoloji tolerantlıq, allerqodiaqnostik müayinələr, allergen-immunoterapiya

Xülasə

Məqalədə allergen-immunoterapiyanın (AİT) allergik rinitin müalicəsində effektivliyi və tətbiqedilmə qaydaları haqqında məlumat verilmişdir. İki il ərzində aparılmış klinik müşahidələrdə 4-18 və 18-40 yaş qruplarında olan pasiyentlərdə allergik rinitin təsdiqi üçün allerqodiaqnostik müayinələr aparılmışdır. Ümumilikdə 72 uşaq və 64 böyük yaşlı şəxs allergik rinit diaqnozu ilə müşahidə altında olmuşdur. Müayinələr nəticəsində müxtəlif inhalyasion allergenlərə qarşı sensibilizasiya müəyyən edilmişdir. Xəstələrin təxminən 50%- də yanaşı bronxial astma və bronxial hiperreaktivlik qeyd olunmuşdur. Allergik rinitlə yanaşı bronxial astma olan xəstələrdə farmakoloji müalicə ilə stabil vəziyyət əldə edilmədikdə, fərdiləşdirilmiş allergen- immunoterapiya (SCIT, SLIT) tətbiq edilmişdir. Müalicə fonunda klinik simptomların intensivliyi və tezliyi azalmış, respirator əlamətləri aradan qalxmışdır. Əldə olunan nəticələr allergen-immunoterapiyanın klinik effektivliyini və fərdiləşdirilmiş yanaşmanın vacibliyini təsdiqləyir