İNSULTLA ASSOSİASİYA EDƏN PNEVMONİYA: MİKROBİOLOJİ ƏLAMƏTLƏR ANTİBİOTİKLƏRƏ REZİSTENTLİK VƏ ETİOTROP MÜALİCƏNİN XÜSUSİYYƏTLƏRİ
DOI
https://doi.org/10.34921/amj.2025.4.008Açar sözlər
beyin insultu, insultla assosiasi edən pnevmoniya, göy irin çöpləri, qızılı stafilokok, antibiotiklərə rezistentlikXülasə
Məqalədə insultla assosiasiya edən pnevmoniyanın (İAP) gedişini və etioloji amillərini öyrənmək məqsədilə aparılmış tədqiqat işi haqqında məlumat verilmişdir. Bu məqsədlə 4 il (2022-2025-ci illər) ərzində müalicə almış 58 xəstə üzərində tədqiqat aparılmışdır. Həmin müddət ərzində insulta görə hospitalizasiya edilmiş 120 xəstədən 58 nəfərə (48,4%) İAP diaqnozu qoyulmuşdur. Pasiyentlərin yaşı 28-dən 85-ə qədər, onlardan 35 nəfəri (60,3%) kişi, 23 nəfəri (39,7%) qadın cinsinə mənsub olmuşdur. 40 xəstədə (69%) pnevmoniya hospitalizasiyadan sonrakı 48 saat ərzində, 18 xəstədə (31%) 48 saat sonra inkişaf etmişdir. Bütün xəstələrdən alınmış bəlğəm mikrobioloji analiz edilmişdir. Pasiyentlərdə pnevmoniyanın etioloji amili kimi daha çox Pseudomonas aeruginosa (göy irin çöpləri) və Stafilococcus aureus (qızılı stafilokok) aşkar edilmişdir, onlardan bir qədər az sayda Klebsiella pneumonia-ya ve patogen göbələkciklərə rast gəlinmişdir, Pasientlərdən 11 nəfər (19%) stasionarda olduğu müddətdə vəfat etmişdir. Pasientlərdə döş qəfəsinin rentgenoqrafiyasının və traxeal aspiratın tədqiqinin müsbət nəticələri onların xəstəxanada qalma müddətinin uzunluğunun əsas prediktorları olmuşdur. Müəlliflərin fikrincə, İAP-in inkişafı stasionar müalicə müddətinin uzanmasının müstəqil prediktoru hesab edilə bilər.
Downloads
Endirin
Yayımlanıb
Necə istinad edilir
Nömrə
Bölmə
Lisenziya
Müəllif hüququ (c) 2026 Azərbaycan Tibb Jurnalı

Bu çalışma Creative Commons Attribution 4.0 International License ile lisenziyalanıb.


