MORPHOMETRIC INDICES OF THE VOMER ARE WITHIN THE NORMAL RANGE AND IN CHILDREN WITH CONGENITAL BILATERAL CLEFT LIP AND PALATE – A COMPARATIVE STUDY

L.N. Yakovenko; N.V. Kiselyova; S.O. Rebenkov

doi:10.34921/amj.2023.4.021

Авторы

L.N. Yakovenko A.A.Boqomolets adına Milli Tibb Universitetinin
N.V. Kiselyova A.A.Boqomolets adına Milli Tibb Universitetinin https://orcid.org/0000-0002-1587-0215
S.O. Rebenkov "OXMATDİT" İxtisaslaşdırılmış Milli Uşaq Xəstəxanasının Radiologiya Mərkəzi

DOI:

https://doi.org/10.34921/amj.2023.4.021

Ключевые слова:

çənəarası sümüyün protruziyası, xış sümüyünün optik sıxlığı, xış sümüyünün uzunluğu, üst çənə kompleksi, dodaq və damağın anadangəlmə bitişməməsi

Аннотация

Məqalədə dodaq və damağın ikitərəfli bitişməməsi (DDİB) və çənəarası sümüyün (Premaxilla) protruziyası olan uşaqlarda xış və çənəarası sümüyün morfometrik parametrlərində yaşla əlaqəli dəyişikliklərin müəyyən edilməsinə yönəlmiş tədqiqatın nəticələri təqdim edilir.
Kontrol qrupuna yaşı 6 günlükdən 14-ilə qədər olan 115 uşaq və 1 döl, əsas qrupa (DDİB qrupu) yaşı 6 günlükdən 8 yaşa qədər olan 20 uşaq daxil olmuşdur; retrospektiv olaraq kompüter-tomoqrafiya görüntüləri təhlil edilmişdir; xış sümüyünün uzunluğu, qalınlığı, optik sıxlığı və çənəarası sümüyün ölçüləri müəyyənləşdirilmişdir.
Kontrol qrupunda 1 yaşa qədər olan uşaqlarda xış sümüyünün morfometrik ölçüləri belə olmuşdur: uzunluğu – 19,6±1,8 mm, qalınlığı – 1,63±0,25 mm, sıxlığı – 383±98 mq/sm3 ; DDİB olan uşaqlarda xış sümüyünün uzunluğu və qalınlığı kontrol qrupundakına nisbətən 1,6 dəfə, sıxlığı isə 2,4 dəfə artıq olmuşdur (p<0,001). Kontrol qrupuna daxil edilmiş yaşı 2-dən artıq olan uşaqlarda xış sümüyünün uzunluğu 28,0±5,5 mm, qalınlığı 1,62±0,35 mm, orta hissədə maksimum sıxlığı – 742±120 mq/sm3 olmuşdur. Eyni yaş qrupundan olan DDİB-li uşaqlarda isə xış sümüyü kontrol qrupundakına nisbətən orta hesabla 1,2 dəfə uzun, 2,3 dəfə qalın (p<0,001), kaudal nahiyədə maksimum sıxlıq isə 1168±187 mq/sm3 (p < 0,05) olmuşdur.
Açar sözlər: çənəarası sümüyün protruziyası, xış sümüyünün optik sıxlığı, xış sümüyünün uzunluğu, üst çənə kompleksi, dodaq və damağın anadangəlmə bitişməməsi.