ALKOHOLUN UZUN MÜDDƏT TƏSİRİ NƏTİCƏSİNDƏ AĞ SİÇOVULLARIN BAŞ BEYNİ STRUKTURLARINDA MONOAMİNLƏRİN MİQDARİ DƏYİŞİKLİKLƏRİNİN KORREKSİYASI

Xülasə

Məqalədə xronik alkohol qəbulu fonunda ağ siçovullarda baş beyninin müxtəlif strukturlarında monoaminlərin miqdarında baş verən dəyişikliklərə meksidol və pirasetamın korrektor təsirinin farmakoloji tədqiqinə həsr edilmiş tədqiqat işi haqqında məlumat verilmişdir.
Tədqiqatın nəticələrinin təhlili göstərmişdir ki, meksidol və pirasetamın təyini fonunda xronik alkohol qəbulu ilə bağlı ağ siçovulların baş beyninin müxtəlif strukturlarında (hipotalamus, striatum, frontal qabıq) monoaminlərin miqdar dəyişikliklərini əhəmiyyətli dərəcədə aradan qaldırır. Ən yaxşı effekt meksidol və pirasetamın birlikdə istifadəsi zamanı müşahidə edilir.