ŞƏKƏRLİ DİABET FONUNDA AĞIRLAŞAN MÜXTƏLİF BÖYRƏK PATOLOGİYALARI ZAMANI QAN SERUMUNDA L-FABP VƏ KATELİSİDİN SƏVİYYƏSİ

Аннотация

Məqalədə şəkərli diabet fonunda ağırlaşmış xronik böyrək çatışmazlığı zamanı qan serumunda L-FABP (liver fatty acid binding protein) və katelisidin zülallarının diaqnostik əhəmiyyətindən bəhs edən tədqiqat işi haqqında məlumat verilmişdir. Tədqiqatda 84 nəfər II tip şəkərli diabeti olan xəstənin və 17 praktik sağlam şəxsin (kontrol qrup) qan serumunda katelisidin və L-FABP qatılığının tədqiqindən alınmış nəticələr araşdırılmışdır. Şəkərli diabeti olan xəstələr (84 nəfər) qlomerulopatiya ilə ağırlaşmayan (n=28), qlomerulopatiyalı (n=28) və xronik böyrək çatışmazlığı ilə ağırlaşan (n=28) olmaqla 3 qrupa ayrılmışdır. Tədqiq edilən qruplarda qan serumunda katelisidinin səviyyəsi statistik fərqlənməmiş, L-FABP səviyyəsində hər üç diabetik qruplarda kontrolla müqayisədə statistik əhəmiyyətli artım müşahidə edilmişdir.