QALXANABƏNZƏR VƏZİ DİSFUNKSİYASI İLƏ YANAŞI KEÇƏN 2-Cİ TİP ŞƏKƏRLİ DİABET XƏSTƏLİYİNİN BİOKİMYƏVİ LABORATOR GÖSTƏRİCİLƏRİ

Xülasə

Məqalədə 2-ci tip şəkərli diabetin qalxanabənzər vəzi disfunksiyası ilə müşayiət edilməyən və komorbid hipotireozla (HT) və/və ya qeyri-toksik urla (DQTU) keçən hallarında xəstələrin biokimyəvi laborator göstəricilərinin fərqli cəhətlərini öyrənmək məqsədilə aparılmış tədqiqat işi haqqına məlumat verilmişdir. Bu məqsədlə retrospektiv olaraq 596 ŞD2 xəstəsinin xəstəlik tarixləri araşdırılmışdır. Tədqiqatın nəticələri göstərmişdir ki, komorbid HT ilə keçən və ŞD 2 olan xəstələrin qan serumunun lipid profili yüksəksıxlıqlı lipoprotein xolesterolunun aydın ifadə edilən azalması ilə, həmçinin qalıq xolesterolun və triqliseridlərin qalxanabənzər vəzi disfunksiyası ilə müşayiət edilməyən ŞD2 olan xəstələrlə müqayisədə artması ilə xarakterizə edilir. Qalxanabənzər vəzi disfunksiyası ilə müşayiət edilməyən və/və ya diffuz qeyritoksik uru olan ŞD-li xəstələrdə biokimyəvi profilli laborator göstəricilər arasında aspartatamintransferaza (AST) müstəsna olmaqla, statistic əhəmiyyətli fərq aşkar edilməmişdir. Yalnız qan serumunun AST aktivliyi komorbid HT və DQTU olan xəstələrdə əhəmiyyətli dərəcədə yüksək olmuşdur. Bundan əlavə, ŞD2-nin komorbid HT və ya DQTU ilə müşayiət edildiyi xəstələrdə tireotrop hormonun qan serumundakı konsentrasiyası ilə AST aktivliyi arasında birbaşa korrelyasiya asılılığı müşahidə edilmişdir