BÖYRƏKHÜCEYRƏLİ KARSİNOMA ZAMANI KONTRLATERAL BÖYRƏKÜSTÜ VƏZİYƏ METASTAZ ÜZRƏ KLİNİK MÜŞAHİDƏLƏR VƏ MÜALİCƏ TAKTİKASI

Xülasə

Məqalədə kontrlateral böyrəküstü vəziyə metastaz vermiş 2 böyrəkhüceyrəli karsinomalı (BHK) xəstədə tətbiq edilən müalicə taktikası müzakirə edilir. Birinci xəstəyə transperitoneal kəsiklə sağtərəfli radikal nefrektomiya və X-XI-ci qabırğaarası lumbotomik kəsiklə soltərəfli adrenalektomiya əməliyyatı icra edildi. 2-ci xəstəyə klinikamıza qəbul edilməzdən kontrlateral böyrəküstü vəziyə metastaz aşkar edilməsinə baxmayaraq, 19 ay əvvəl soltərəfli radikal nefrektomiya və ipsilateral adrenalektomiya icra edilib; həmin xəstəyə adrenal krizi önləmək üçün əvəzedici steroid terapiya fonunda sağtərəfli adrenalektomiya əməliyyatı icra edilib. Nəticə olaraq qeyd edilməlidir ki, kontrlateral böyrəküstü vəziyə metastaz aşkar edilən BHK-li xəstələrdə metastazektomiya əməliyyatı IV mərhələ şiş xəstəliyi olan bu ağır xəstə qrupunda cərrahi müalicənin nəticələrini yaxşılaşdırmağa imkan verir.