RETROKAVAL SİDİK AXARININ CƏRRAHİ MÜALİCƏSİ

Xülasə

Məqalədə müəllifin klinik müşahidəsi altında olmuş retrokaval sidik axarı olan  və  açıq cərrahi yolla müalicə edilmiş iki xəstə haqqında məlumat verilir. Bu anomaliyalar  kişilərdə çox təsadüf edildiyi halda, müşahidə edilən  hər iki xəstə qadın olmuşdur. Xəstələrə diaqnoz, birinə əvvəlcədən aparılan müayinələr (ultrasəs, kontrastlı kompyuter tomoqrafiya) nəticəsində, digərinə isə intraoperasion qoyulmuşdur. Hər iki xəstəyə müvəffəqiyyətlə antevazal uretero-ureteroanastomoz əməliyyatı icra edilmişdir. Müşahidələrdən birinin  hərtərəfli təsviri verilir. Rekonstruktiv əməliyyatın müsbət  nəticələri  əməliyyatdan 3 ay sonra  aparılan ekskretor uroqrafiya ilə qiymətləndirilmişdir.