PROSTAT XƏRÇƏNGİNİN ULTRASƏS DİAQNOSTİKASININ ƏSAS LOKALİZASİYADAN ASILI OLAN XÜSUSİYYƏTLƏRİ

Xülasə

Məqalədə prostat vəzi xərçənginin diferensial diaqnostikasında ultrasəs müayinəsi metodunun tətbiq edilməsinin effektivliyini araşdırmaq məqsədilə aparılan tədqiqat işi haqqında məlumat verilmişdir. Prostat vəzi xərçəngi (PX) olan 49 kişidə və xoşxassəli prostat vəzi hiperplaziyası (XPH) olan 67 kişidə transrektal ultrasəs müayinəsinin nəticələrinin retrospektiv təhlili aparılmışdır. Vəzinin periferik zonasında xərçəng şişi hallarının 83,7%-də və XPH hallarının 67,2%-də hipoexogen sahələr aşkar edilmişdir (p<0,05). Bundan əlavə, PX-nin diaqnozunda bu simptomun həssaslığı 81,3%, spesifikliyi 55,6% və dəqiqliyi 75,6% olmuşdur. PX-nin hallarının 59,2%-də mikrokalsifikasiya, 69,4%-də isə hipervaskulyarizasiya aşkar edilmişdir. Vəzidə olan mikrokalsifikasiya sayəsində müşahidə edilən lokal hipoexogen sahə simptomunun həssaslığı müvafiq olaraq 84,0%, spesifikliyi 70,8% və dəqiqliyi 77,6% təşkil etmişdir. Hipervaskulyarizasiyalı lokal hipoexogen sahə simptomu üçün eyni göstəricilər müvafiq olaraq 85,3%, 73,3% və 81,6% təşkil etmişdir. Prostat xərçəngi olan xəstələrdə vaskulyarizasiyası olan hipoexogen sahədə sıxlığın elastoqrafik təyininin həssaslığı, spesifikliyi və dəqiqliyi müvafiq olaraq 93,1%, 100,0% və 93,5% təşkil etmişdir.