LƏNKƏRAN-ASTARA İQTİSADİ RAYONUNDA DİABETİK NEFROPATİYANIN YAYILMASI

Xülasə

Məqalədə Lənkəran-Astara iqtisadi rayonunda müraciət əsasında diabetik nefropatiyanın yayılmasının araşdırılması məqsədilə aparılmış tədqiqat işi barədə məlumat verilmişdir. Müraciət edən pasiyentlər planlı olaraq böyrəklərin ultrasəs müayinəsi, qanın ümumi və biokimyəvi müayinəsi, sidiyin ümumi analizi və s. müayinələrdən keçmişlər. Statistik analiz keyfiyyət göstəricilərinə əsasən aparılmışdır.

Məlum olmuşdur ki, Lənkəran-Astara iqtisadi rayonunda şəkərli diabet xəstələri arasında diabetik nefropatiyanın yayılması 4,03±0,16%-ə bərabərdir. Xronik böyrək çatışmazlığına (XBÇ) səbəb olan xəstəliklər arasında diabetik nefropatiya xronik qlomerulonefritdən sonra ikinci yeri tutmuşdur. İldən-ilə keçdikcə diabetik nefropatiyanın XBÇ strukturundakı payı artmışdır. Belə ki, bu fərq 2008-ci ildə 2007-ci ilə nisbətən, həmçinin 2012-ci ildə 2011-ci ilə nisbətən statistik etibarlı olmuşdur (t>2, p<0,05).