BAKI ŞƏHƏRİNDƏ DİSPANSER QEYDİYYATINDA OLAN ŞƏKƏRLİ DİABETLİ XƏSTƏLƏRDƏ XRONİK AĞIRLAŞMALARIN YAYILMAS

Xülasə

Məqalədə Bakı şəhərində dispanser qeydiyyatda olan şəkərli diabetli xəstələr arasında xronik ağırlaşmaları araşdırmaq məqsədilə aparılmış tədqiqat haqqında məlumat verilmişdir. Tədqiqat 2002-2003-cü illər ərzində Bakı şəhər Endokrinoloji Mərkəzində qeydiyyatda duran 233 nəfər şəkərli diabeti olan xəstə üzərində aparılmışdr. Xəstələrin 51,5%-ni (n=120) kişilər, 48,5%-ni (n=113) qadınlar təşkil etmişdir. Xəstələrdə bədən kütləsi indeksinin (BKİ) təhlilindən aydın olmuşdur ki, 17,8% (n=41) nəfərdə BKİ-i 25 kq/m²-dən yüksək olur. 2-ci tip şəkəli diabeti olanlarda BKİ dürüst dərəcədə yüksək olmuşdur
(p＜0,0001). BKİ-i 18,5 kq/m² aşağı olanlar dürüst dərəcədə çox olmuşdur (X²=18,19; 25,4%, p＜0,0001). Çox güman ki, buna səbəb xəstələrin dekompensasiya vəziyyətində olması olmuşdur. Xəstələrdə xronik ağırlaşmalardan diabetik neyropatiya, katarkta və retinopatiya aşkarlanmış və təhlil edilmişdir. Onların 48%-də diabetlə əlqəli neyropatiya (n=112), 21%-də (n=49) katarakta, 24,9%-də isə (n=58) retinopatiya aşkar edilmişdir. Ağırlaşmaların cinslər arasında dürüstlüyü qeydə alınmamışdır. Cavanlıq dövründə (18-44 yaş arası) olan ağırlaşmaların sayı daha çoxdur. Cavanlıq dövrü ilə ahıl yaş dövrü müqayisə edildikdə bu dövrdə diabetik neyropatiyalı xəstələrin sayı dürüst dərəcədə çox olmuşdur (X²=15,28, p=0,0001).