TAC TİKİŞ VORMİ SÜMÜYÜNÜN METOPİK KƏLLƏDƏ NADİR VARİANTI
DOI
https://doi.org/10.34921/amj.2021.3.020Açar sözlər
tac tikiş, Vormi sümükləri, metopik kəlləXülasə
Məqalədə tac tikiş Vormi sümüyünün metopik kəllədə rast gəlinməsinin öyrənilməsi məqsədilə aparılmış tədqiqat işi haqqında məlumat verilmişdir.
198 kəllədə kranioskopik metodun köməyi ilə daimi metopik tikişin və tac tikiş Vormi sümüyünün eyni zamanda rast gəlməsi tədqiq edilmiş, yalnız bir kəllədə bu hal aşkarlanmışdır. Kraniometrik və kompyuter tomoqrafiyası metodunun tətbiqi ilə həmin kəllə öyrənilmişdir.
Tədqiqat nəticəsində I yetkinlik dövrünə (22-35 yaş) aid kişi kəlləsində tac tikişdə solda 1 Vormi sümüyü müəyyən olunmuşdur ki, onun ön-arxa ölçüsü 10,50 mm, eni 11,83 mm təşkil etmişdir. Metopik tikişin uzunluğu 99,95 mm-ə bərabər olmuşdur. Metopik tikiş tam olmuş, yəni nazion və breqma kraniometrik nöqtələri arasında yerləşmişdir. Ənsə nahiyəsinin yastılaşması kəllədə ənsə deformasiyasının olduğunu aşkarlamağa imkan vermişdir. Kəllədə eyni zamanda lambdayabənzər tikişdə, solda 3, sağda isə 5 Vormi sümüyü aşkarlanmışdır. Bazal normada, əsas sümüyü tininin çox uzun olması və çıxıntı əmələ gətirməsi nəzərə çarpmışdır. Bu çıxıntının sağda uzunluğu 8,65 mm, əsasında eni 5,66 mm, zirvəsində eni 2,14 mm, əsas sümüyü tininin solda əmələ gətirdiyi çıxıntının uzunluğu 6,33 mm, əsasında eni 6,39 mm, zirvəsində eni 1,37 mm olmuşdur.
Downloads
Endirin
Yayımlanıb
Necə istinad edilir
Nömrə
Bölmə
Lisenziya
Müəllif hüququ (c) 2022 Azərbaycan Tibb Jurnalı

Bu çalışma Creative Commons Attribution 4.0 International License ile lisenziyalanıb.


