HELICOBACTER PYLORI İLƏ ASSOSİASİYA OLUNMUŞ XRONİK QASTRİTLİ XƏSTƏLƏRDƏ 1-Cİ XƏTT ERADİKASİON TERAPİYANIN EFFEKTİVLİYİNİN YOĞUN BAĞIRSAĞIN DİVARYANI MİKROFLORASININ VƏZİYYƏTİNDƏN ASILILIĞI

Xülasə

Məqalədə Helicobacter pylori mənşəli xronik qastritli xəstələrdə amoksisillin-klarit­ro­mi­sin kompleksi daxil olmaqla üçlü sxemin effektivliyinin yoğun bağırsağın divaryanı mik­ro­flo­rasının eradikasiyadan əvvəlki vəziyyətindən asılılığını müəyyən etmək məqsədi ilə aparılmış tədqiqat işi haqqında məlumat verilmişdir. Tədqiqat 50 xəstə (24-72 yaş arasında, orta yaşı 46,2±3,7 olan 27 kişi və 23 qadın) üzərində aparılmışdır. Diaqnozun təstiq olunması mədənin ant­ral hissə­si­nin selikli qişasının biopsiyası və sonrakı histoloji müayinəsi ilə fibroqastroduodeno­sko­piya, eyni zamanda HP-ni aşkar etmək üçün ekspress ureaza testi ilə həyata keçirilmişdir. Yoğun bağır­sağın divaryanı mikroflorasının vəziyyətinin qiymətləndirilməsi siqmayabənzər və kor bağır­saq selikli qişasınından gotürülmüş iki bioptatın bakterioloji müayinəsi ilə aparılmışdır. Bütün xəstələrə eradikasion terapiya şəklində rabeprazol 20 mq + amoksisillin 1 q + klaritromisin 500 mq daxil olmaqla (gündə iki dəfə 14 gün ərzində) üçlü sxemi təyin edilib. Eradikasiyanın effektivliyinə nəzarət müalicə kursunun bitməsindən 4 həftə sonra təkrar fibroqastroduodenoskopiya ilə ekspress urea­za testi vasitəsilə həyata keçirilmişdir. Aparılan tədqiqatlar eradikasion terapiyanın effektiv­liyinin bağırsaq disbiozunun ağırlıq dərəcəsinin artmasına uyğun olaraq proqressiv azaldığını göstərmişdir. Beləliklə, birinci dərəcəli disbiozu olan xəstələrdə həmin göstərici maksimal səviy­yədə (86,6%) idi. Disbiozun ikinci və üçüncü ağırlıq dərəcələrində eradikasion terapiya müvafiq olaraq 73,6% və 50% hallarda müsbət nəticə vermişdir, dördüncü dərəcə olan xəstələrdə isə tam effekt­siz olmuşdur. Uğurlu eradikasiyası olan xəstələr arasında bifidobakteriyaların, laktobasilli­lərin və E. coli ştammlarının orta konsentrasiyalarının daha yüksək göstəriciləri qeyd edilmişdir.