LONG-TERM RESULTS EVALUATION OF SURGICAL TREATMENT OF STRANGULATED INGUINAL HERNIA. ANALYSIS OF OPEN AND LAPAROSCOPIC METHODS

İ.V. Korpusenko; V.P. Krışen; N.N. Nor; A.V. Kudryavtsev; V.Е. Kudryavtseva

doi:10.34921/amj.2025.3.21

Müəlliflər

İ.V. Korpusenko Dnepr Dövlət Tibb Universiteti
V.P. Krışen Dnepr Dövlət Tibb Universiteti
N.N. Nor Dnepr Dövlət Tibb Universiteti
A.V. Kudryavtsev Dnepr Dövlət Tibb Universitetinin "Universitet klinikası" sərbəst struktur bölməsi
V.Е. Kudryavtseva Pridnepr Dövlət Bədən Tərbiyəsi və İdman Akademiyası

DOI

https://doi.org/10.34921/amj.2025.3.21

Açar sözlər

boğulmuş qasıq yırtığı, hernioplastika, immun sistem, həyat keyfiyyəti, uzaq nəticələr

Xülasə

Məqalədə boğulmuş qasıq yırtığının açıq və laparoskopik üsullarla cərrahi müalicəsi zamanı immun sistemin fərdi korreksiyasının müalicənin nəticələrinə təsirini öyrənmək məqsədilə aparılmış tədqiqat işi haqqında məlumat verilmişdir. Tədqiqata cəlb edilmiş 85 pasiyent 2 qrupa bölünmüşdür: 45 nəfərdən ibarət olan 1-ci qrupda laparoskopik hernioplastika (tordan istifadə edilməklə), 40 pasiyentdən ibarət olan müqayisə qrupunda isə boğulmuş qasıq yırtığının bərpası Lichtensteyn üsulu ilə aparılmışdır. Tədqiqat operativ müdaxilədən 6-8 ay sonra aparılmışdır. Xəstələrə immun korreksiya məqsədilə fərdi tövsiyələr verilmişdir. Qanda T- və B-limfositlərin ümumi sayı, T-limfositlərin CD3, CD19, CD4, CD8 və CD16 subpopulyasiyaları, qan serumunda IgA, IgM, IgG təyin edilmişdir. Bundan əlavə, xəstələrin həyat keyfiyyətini öyrənmək üçün “SF-36” sorğu metodundan istifadə edilmişdir. Müqayisə qrupunun pasiyentlərində CD3+ göstəricisi kontrolla müqayisədə azalmışdır (41,16±1,9%). Tx/Ts indeksi müqayisə qrupunda nisbətən az olmuşdur – 1,28±0,07. Sağlamlığın fiziki komponenti göstəricisi müqayisə qrupunda 46,68±4,25 bala bərabər olmaqla, əsas qrupun pasiyentlərindəkinə nisbətən 5,50% (p<0,05) az olmuşdur (əsas qrupda 52,18±5,96 bal: hər iki tədqiqat qrupunda operativ müalicədən sonrakı 12 ay ərzində təkrar hospitalizasiya halları qeyd edilməmişdir.) Bu, postoperasion dövrdə xəstələrə kompleks fərdi yanaşmanın effektivliyini göstərir.