SÜD VƏZİSİ XƏRÇƏNGİ OLAN QADINLARDA HER-2 GEN MUTASİYALARI VƏ BƏZİ BİOKİMYƏVİ GÖSTƏRİCİLƏRİN DƏYİŞİKLİKLƏRİ

Xülasə

Məqalədə süd vəzisi xərçəngi (SVX) olan qadınların qan serumunda matriks zülallarının səviyyəsi və HER-2 neqativ tipə malik xərçəng toxumasında HER-2 geninin mutasiyalarının araşdırılmasını əks etdirən tədqiqat işi haqqında məlumat verilir. Tədqiqata 2023-2024-cü illərdə Azərbaycan Respublikası Səhiyyə Nazirliyi Milli Onkologiya Mərkəzinə müraciət etmiş 30-75 yaşlı 74 qadın üzərində aparılmış tədqiqatın nəticələri daxil edilmişdir. Kontrol qrupuna 15 nəfər 25-38 yaşlı praktik sağlam qadın daxil edilmişdir. Tədqiqat göstərmişdir ki, HER-2-neqativ tipli SVX olan xəstələrdə HER2 geninin mutasiyalarının heç biri aşkarlanmamışdır. Qan serumunda matriks metalloproteinaza-9-un (MMP-9) səviyyəsi SVX olan qadınlarda (n=83) sağlam qadınlardakına nisbətən statistik əhəmiyyətli azalmışdır (p<0,001), MMP-7-nin səviyyəsi isə statistik əhəmiyyətli dəyişməmişdir (p=0,464). Bu göstəricilərdə yarımqruplar arasında statistik etibarlı fərq aşkar edilməmişdir. SVX zamanı qan serumunda MMP-9-un səviyyəsinin azalması toxumada gedən proseslərlə əlaqəli olub, əsasən şiş toxumasında hüceyrəətrafı mühitdə onun sərfiyyatının artması ilə əlaqələndirilir.