PNEVMONİYALI PEDİATRİK XƏSTƏLƏRİN QAN SERUMUNDA İL-17 SƏVİYYƏSİNİN KLİNİK ƏHƏMİYYƏTİ
DOI
https://doi.org/10.34921/anqj.2025.2.008Açar sözlər
İL-17, sitokin, pnevmoniya, ağciyar toxumasıXülasə
Məqalə pnevmoniya xəstəliyinə görə stasionar müalicə alan 0-16 yaş arasında 60 xəstə (əsas qrup) və 20 praktik sağlam uşaq (kontrol qrupu) daxil edilmiş araşdırmanın nəticələrindən bəhs edilir. Tədqiqat işi pnevmoniya xəstəliyi zamanı uşaqların qan serumunda İL-17-nin konsentrasiyasının dəyişməsini öyrənmək məqsədi ilə aparılmışdır. Əsas və kontrol qruplarda uşaqların qan serumunda İL-17 sitokininin səviyyəsi müqayisə edilmişdir. Qan serumunda İL-17 səviyyəsi immunferment üsulu ilə (ELİSA) müəyyənləşdirilmişdir. Əsas qrupa daxil olan uşaqların qan serumunda İL-17-nin səviyyəsinin kontrol qrupu ilə müqayisədə əhəmiyyətli dərəcədə yüksək olduğu müəyyən edilmişdir (p˂0,001). Pnevmoniya diaqnozlu xəstələr radioloji müayinənin nəticəsinə görə üç qrupa bölünmüşdür; 30 ocaqlı, 19 lobar, 11 seqmentar pnevmoniya. Xəstəliyin ağırlıq dərəcəsinə görə lobar pnevmoniyalı xəstələr qrupunda daha ağır gedişat qeydə alınmış, seqmentar və ocaqlı pnevmoniyalarla müqayisədə qan serumunda İL-17-nin səviyyəsi daha yüksək olmuşdur. Pnevmoniyalı xəstələr həmçinin 6 yaşdan yuxarı və 6 yaşdan aşağı qruplara ayrılmış və qan serumunda İL-17 səviyyəsini müqayisə etdikdə, yaş qrupları arasında statistik əhmiyyət kəsb edən nəticə əldə edilməmişdir (p˂0,63). Nəticə olaraq, pnevmoniyalı xəstələrin qan serumunda iltihab sitokini olan İL-17-nin səviyyəsi, sağlam qrupda olduğundan yüksək olmuşdur və ağciyər toxumasında iltihabi prosesin dərinliyinə müvafiq olaraq daha da artmışdır.
Downloads
Endirin
Yayımlanıb
Necə istinad edilir
Nömrə
Bölmə
Lisenziya
Müəllif hüququ (c) 2025 Azərbaycan Tibb Jurnalı

Bu çalışma Creative Commons Attribution 4.0 International License ile lisenziyalanıb.


