QREYVS XƏSTƏLİYİ VƏ PİYLƏNMƏ ARASINDAKI ƏLAQƏDƏ LEPTİNİN ROLU

Xülasə

Məqalə Qreyvs xəstəliyi olan şəxslərdə radioaktiv yodla müalicənin mübadilə proseslərinə, o cümlədən leptinin səviyyəsinə və bədən kütləsi indeksinə (BKİ) təsirini qiymətləndirmək məqsədilə aparılan tədqiqat işinin nəticələri şəhr edilmişdir. Tədqiqata Qreyvs xəstəliyi olan 62 xəstə cəlb edilmiş və xəstələr BKİ-dən asılı olaraq iki qrupa bölünmüşdür (BKİ < 25 və ≥ 25). Radioaktiv yodla müalicədən sonra yüksək BKİ olan xəstələrdə leptin səviyyəsi xüsusilə əhəmiyyətli dərəcədə artmışdır. Hər iki qrupda leptin ilə BKİ arasında müsbət korrelyasiya aşkar edilmişdir və müalicədən sonra qanda TSH səviyyələri ilə leptin arasında korrelyasiya aşkar edilmişdir. Bununla belə, əvvəlcədən artıq bədən çəkisi olan xəstələrdə, radioyod terapiyasından sonra, adekvat əvəzedici terapiyaya baxmayaraq, kompensator hipotiroidizm, piy toxuması kütləsinin artması ilə əlaqəli hiperleptinemiya ilə müşayiət olunur. Bu, gələcəkdə ürək-damar ağırlaşmalarının və metabolik sindromun inkişafına səbəb ola bilər ki, bu da, müalicədən sonra diqqətli monitorinq və potensial çəki idarəetmə strategiyalarına ehtiyac olduğunu təsdiq edir.