ALT ÜÇÜNCÜ AZI DİŞLƏRİN ÇIXARILMAQLA VƏ ÇIXARILMADAN UZUNMÜDDƏTLİ MÜALİCƏSİNİN NƏTİCƏLƏRİ

Xülasə

Məqalədə diş-çənə anomaliyalarının müalicəsinin uzunmüddətli nəticələrinin öyrənilməsi və alt üçüncü azı dişlərinin çəkilməsi (AÜAD) ilə bağlı residivlərin aşkarlanması məqsədilə aparılan tədqiqatların nəticələri təqdim edilmişdir. Tədqiqata 3 qrupa bölünmüş 121 xəstənin müayinəsinin məlumatları daxil edilmişdir: 1) kontrol qrup – retensiyasız (50 nəfər), 2) birtərəfli retensiya (33 pasiyent), 3) ikitərəfli retensiya (38 pasiyent). Ümumilikdə 121 xəstənin 500-dən çox ortopantomoqramı öyrənilmiş və 7-23 yaş arasında qruplarda alt üçüncü azı dişlərin (AÜAD) müalicə müddətində çıxarılma dinamikası tədqiq edilmiş və hansı yaş qruplarında profilaktik çəkim qərarı verilməsinin zəruriliyi müəyyən olunmuşdur. Peason-Chi-Square testi ilə gender aspektində əhəmiyyətli fərqlər aşkar edilməmişdir. Ortodontik müalicədən 5 il sonra aşağı ön kəsici dişlərin sıxlığı şəklində residivlərlə müşayiət olunan müxtəlif diş-çənə anomaliyalı pasiyentlərin ortodontik müalicəsinə dair klinik müşahidələr haqqında məlumat verilmişdir. Əldə edilmiş statistik nəticələr pasiyentlərdə AÜAD-nin əyilmə bucaqlarının vəziyyətinin dəyişilməsi ilə residivlərin baş verməsi arasında əlaqə olduğunu göstərir.