NEKROTİK ENTEROKOLİTİN ERKƏN DİAQNOSTİKASINA YENİ YANAŞMA

Xülasə

Məqalədə, vaxtında doğulan yenidoğulmuşlarda nekrotik enterokolitin (NEK) erkən diaqnostikasında hipoksiya markerlərinin patogenetik əhəmiyyətinin öyrənilməsinə həsr edilmiş tədqiqat haqqında məlumat verilmişdir. Hipoksiya NEK-in aparıcı risk faktorudur. Bu məqsədlə NEK-i olan vaxtında doğulan yenidoğulmuşların qan serumunda hipoksiya markerləri olaraq eritropoetinin (EPO) və kalsium ionlarının (Ca2+) səviyyəsi öyrənilmişdir. Alınan nəticələrdə bu markerlərin səviyyələrinin, statistik əhəmiyyətli dərəcədə dəyişməsi xəstəliyin həm erkən diaqnozunun qoyulmasına, həm də ağır formasının aşkarlanmasına imkan yaradır. Beləliklə, vaxtında doğulan yenidoğulmuşların qan serumunda EPO və Ca2+ səviyyəsinin NEK mərhələsindən asılı olaraq prosesdə dəyişməsi onların patogenetik əhəmiyyətini əks etdirir.