SÜD VƏZİSİ AXACAĞININ QEYRİ-ŞƏFFAF İNVAZİV KARSİNOMALARINDA LİMFOSİTAR İNFİLTRASİYA

Xülasə

Məqalədə süd vəzisi axacaqlarının qeyri-invaziv molekulyar alttipləri (HER-2neu+ və üçqat neqativ) olan kimyaterapiya və şüa terapiyası tətbiq edilməmiş xəstələrdə şişin limfoid xarakterli ətrafının mikroskopik xüsusiyyətləri haqqında məlumat verilir. Tədqiqatın məqsədi şişə infiltrasiya edən T- və B-limfositlərin invaziv şişin qeyri-şəffaf alt-tiplərində yayılmasını və NK-hüceyrələrin proliferasiyasını öyrənmək olmuşdur.

Tədqiqat işinə 71 xəstədən alınmış patoloji toxuma nümunələrində histoloji, immunhistokimyəvi və morfometrik müayinələrin nəticələri daxil edilmişdir. 39 xəstədə süd vəzisi axacağının invaziv qeyri-şəffaf şişinin HER-2neu+, 32 xəstədə isə üçqat neqativ alt-tipi aşkar edilmişdir.

Tədqiqat göstərmişdir ki, süd vəzisinin invaziv qeyri-şəffaf xərçənginin səciyyəvi əlaməti – şişin kənarlarındakı limfoid infiltrasiyanın sərtliyidir. Bundan əlavə, şiş toxumasının kənarlarında T-limfositlər B-limfositlərə nisbətən 1,8-2,4 dəfə, daxilində isə 4 dəfə çox toplanır. T-limfositlərin və NK-hüceyrələrin morfometrik parametrlərində fərq daha böyük olur. HER-2neu+ və üçqat neqativ xərçəng şişinin invaziv sahəsinin kənar hissələrində T-limfositlər NK-hüceyrələrdən müvafiq olaraq 7,5 və 6,9 dəfə, şişin daxilində isə 11,5 və 14 dəfə çox olmuşdur.