VAXTINDAN ƏVVƏL DOĞUŞLARIN LABORATOR VƏ İNSTRUMENTAL PREDİKTORLARI

C.F. Qurbanova; N.A. Şahbazova; L.R. Süleymanova; X.M. Mirzəyeva

doi:10.34921/amj.2024.3.010

Müəlliflər

C.F. Qurbanova Elmi-Tədqiqat Mamalıq və Ginekologiya İnstitutu
N.A. Şahbazova Elmi-Tədqiqat Mamalıq və Ginekologiya İnstitutu
L.R. Süleymanova Elmi-Tədqiqat Mamalıq və Ginekologiya İnstitutu
X.M. Mirzəyeva Elmi-Tədqiqat Mamalıq və Ginekologiya İnstitutu

DOI

https://doi.org/10.34921/amj.2024.3.010

Açar sözlər

vaxtından əvvəl doğuşlar, servikometriya, hipoprogesteronemia, doğuşun prediktorları, vaginit

Xülasə

Məqalədə vaxtından əvvəl doğuşların proqnostik risk faktorlarını aşkarlamaq məqsədilə 2021-ci ildən 2024-cü ilədək aparılmış kohort prospektiv randomizə olunmuş tədqiqat haqqında məlumat verilmişdir. Vaxtından əvvəl doğuş təhlükəsi olan pasiyentlər əsas (n=198), hestasiya dövrü fizioloji olan hamilələr kontrol (n=80) qruplarına daxil edilmişdir. Pasiyentlərin klinik-anamnestik məlumatları, laborator göstəriciləri (qan serumunda progesteron səviyyəsi, infeksion markerlər) və ultrasəs müayinəsinin nəticələri analiz edilmişdir. Əsas qrupda olan hamilələrin 71,7%-də progesteron səviyyəsinin normadan aşağı olması (p<0,001), həmçinin sağlam hamilələrlə müqayisədə vaxtından əvvəl doğuşların diaqnostikasında mühüm rol oynayan ultrasəs müayinəsində uşaqlıq boynunun uzunluğunun 15 mm-dən qısa olmasına 7 dəfə daha artıq rast gəlindiyi (p<0,001) aşkarlanmışdır. Beləliklə, anamnezdə vaxtından əvvəl doğuşların olması, qan serumunda progesteron səviyyəsinin aşağı olması, uşaqlıq boynu uzunluğunun 15 mm-dən qısa olması vaxtından əvvəl doğuşların əsas proqnostik markerləridir.