HİSS DƏSTƏSİNİN SAĞ AYAQCIĞININ İDİOPATİK BLOKADASI OLAN UŞAQLARDA MƏDƏCİKLƏRİN GEC POTENSİALLARININ DƏYİŞMƏLƏRİNİN YAŞDAN ASILILIĞI
DOI:
https://doi.org/10.34921/amj.2024.94.42.001Ключевые слова:
mədəciklərin gec potensialları, ventrikulyar aritmiya, ürəyin depolyarizasiyasıАннотация
Məqalədə Hiss dəstəsinin sağ ayaqcığının idiopatik blokadası (HDSAB) olan uşaqlarda mədəciklərin gec potensiallarının (MGP) parametrlərini öyrənmək məqsədilə aparılmış tədqiqat işi haqqında məlumat verilmişdir. Tədqiqata cəlb edilmiş 127 uşaq 3 yaş qrupuna bölünmüşdür. Hər bir qrupda HDSAB olan əsas yarımqrup uşaqlar müvafiq yaşlı praktik sağlam olan kontrol yarımqrup uşaqlarla müqayisə edilmiştir. Bunlardan HDSAB olan 3-6 yaşlı 14 uşaq (7 oğlan, 7 qız) 1-ci qrupun əsas yarımqrupuna, eyni yaşlı 11 praktik sağlam uşaq isə kontrol yarımqrupuna daxil edilmişdir. HDSAB olan 7-11 yaşlı 34 uşaq (19 oğlan, 15 qız) 2-ci qrupun əsas yarımqrupuna, 11 praktik sağlam uşaq isə kontrol yarımqrupuna daxil edilmişdir. HDSAB olan 12-17 yaşlı 43 uşaq (27 oğlan, 16 qız) 3-cü qrupun əsas yarımqrupuna, 14 praktik sağlam uşaq isə kontrol yarımqrupuna daxil edilmişdir. Bütün uşaqlarda MGP-nin aşağıdakı parametrləri öyrənilmişdir: TotORS (ms) — filtrasiyaya uğramış QRS kompleksinin davametmə müddəti, LAS40 (ms) — QRS kompleksinin sonunda 40 mkV-dən aşağı tezliklə filtrasiyaya uğramış elektrik dalğaların davametmə müddəti, RMS40 (mkV) — filtrasiyaya uğramış QRS kompleksinin axırıncı 40 ms-lik müddəində orta kvadratik amplitudunu xarakterizə edən indeks və TotQRS / RMS40 nisbəti.
Hər 3 qrupda HDSAB olan uşaqlarda sağlam uşaqlarla müqayisədə mədəciklərin gec potensiallarının göstəricilərində müəyyən meyletmələr aşkarlanmışdır: HDSAB olan uşaqlarda miokardda elektrofizioloji olaraq qeyri-homogenlik səbəbindən MGP ocaqları aşkarlanır. Ventrikulyar depolyarizasiyanın qeyri-homogenliyinin müxtəlif yaş dövrlərində bu səpkidə nəzərə çarpması gələcəkdə hər hansı bir metabolik pozulmanın və patologiyanın qoşulması səbəbindən daha təhlükəli aritmiya riskinə meyl yaradır.
Downloads
Downloads
Опубликован
How to Cite
Выпуск
Раздел
License
Copyright (c) 2024 Azərbaycan Tibb Jurnalı
This work is licensed under a Creative Commons Attribution 4.0 International License.