BAKI MAŞINQAYIRMA ZAVODUNUN İŞÇİLƏRİNİN HƏYAT KEYFİYYƏTİ HAQQINDA

Аннотация

Məqalədə Bakı Maşınqayırma Zavodunda həyat keyfiyyətinin xüsusiyyətlərini araşdırmaq məqsədilə aparılmış tədqiqatın nəticələri təqdim edilir. SF-36 və NJ-QLQ-29 anketlərinə əsasən zavodun alət və qaz balonları hazırlanması sexlərində 170 işçi müayinədən keçirilib: səs-küy və vibrasiya ilə təmasda olanlar ̶ 68 nəfər, kimyəvi etiologiyalı zərərli amillərlə təmasda olanlar ̶ 52 nəfər və istehsalat təhlükəsi ilə təmasda olmayanlar ̶ 50 nəfər ( kontrol qrup ). Sorğuya cəlb edilən kontingent arasında həyat keyfiyyəti ümümilikdə bütün tədqiq edilənlərdən 81,75%-də normal səviyyədə olmuşdur, alət sexi işçilərindən isə yalnız 76,82%-ə həyat keyfiyyəti normal qiymətləndirilmişdir; qaz balonunun hazırlanması sexinin işçilərinin bu göstəricisi 83,21%-ə bərabərdir. “Psixi Sağlamlıq” şkalasının göstəriciləri baxımından bütün qruplarda işçilərin həyat keyfiyyəti orta dərəcədə azalmış, qruplar üzrə müxtəlif olaraq 67,03; 74,29; 70,52 bal təşkil etmişdir. Müəlliflər praktik həkimlərə işçilərin tibbi müayinəsini apararkən, sağlamlıq vəziyyətini qiymətləndirini və effektivliyini nəzərə alaraq, profilaktik tədbirlər kompleksi hazırlamaq və risk qrupunu ayırd etmək üçün SF-36 anketini daxil etməyi tövsiyə edir.