NƏHƏNGHÜCEYRƏLİ QRANULOMANIN MİNİMAL İNVAZİV MÜALİCƏSİ: KLİNİK MÜŞAHİDƏ

Аннотация

Məqalədə müəlliflərin 73 yaşlı xəstə qadında müşahidə etdikləri nəhənghüceyrəli qranuloma xəstəliyi haqqında məlumat verilmişdir. Bu tip şişlərə adətən uşaqların və gənclərin çənəsində daha çox rast gəlinir. Mərkəzi nəhənghüceyrəli qranulomanın klinik və radioloji xüsusiyyətlərinə görə aqressiv və qeyri-aqressiv növləri vardır. Müəlliflərin müşahidəsi altında olan 73 yaşlı xəstə qadın alt çənənin sol retromolyar sahəsində törənən şişə görə klinikaya müraciət etmişdir. Xəstənin çənəsində iri və yumşaq şiş müşahidə edilmişdir. Aşkar radioloji əlamət olmasa da, sümüyün zədələnməsi və hərəkətin itirilməsi müşahidə edilmişdir. Bir neçə dişi çıxarılmış xəstə illər ərzində protezdən istifadə etməmişdir. Klinikaya daxil olandan əvvəl başqa bir xəstəxananın qulaq, burun, boğaz şöbəsində xəstəyə hemimandibulektomiya təklif edilmişdir. Xəstəxananın cərrahi bölümündə müayinədən sonra xəstəyə sadəcə şiş toxumasının eksiziyası etmək məqbul hesab edilmişdir. Əməliyyatdan sonra çıxarılan materialın patomorfoloji analizi zamanı nəhənghüceyrəli qranuloma diaqnozu qoyulmuşdur. Sonrakı yoxlamalar zamanı əməliyyat sahəsində paresteziyanın olmadığı müşahidə edilmiş və xəstəliyin residivləşməsi baş verməmişdir.