COVID-19 PANDEMİYASI ŞƏRAİTİNDƏ TƏCİLİ CƏRRAHİ YARDIMIN XÜSUSİYYƏTLƏRİ

Xülasə

Məqalədə COVID-19 pandemiyası şəraitində təxirəsalınmaz cərrahi yardımın xüsusiyyətlərini analiz etmək və müəyyənləşdirmək məqsədilə aparılmış tədqiqat işi haqqında məlumat verilmişdir. 3 №-li Poltava Dövlət Klinik Xəstəxanasına 2021-ci ilin iyun ayından sonrakı dövrdə COVID-19 infeksiyası ilə təxirəsalınmaz cərrahi müdaxilənin zəruriliyinə görə daxil olmuş 242 pasiyentin xəstəlik tarixi retrospektiv təhlil edilmişdir; 2019-cu ilin fevral ayından iyun ayına qədər təxirəsalınmaz cərrahi müdaxiləyə məruz qalmış pasiyentlər (COVID-19 infeksiyası olmayan pasiyentlər qrupu) müqayisə qrupuna daxil edilmişdir.
Aparılmış tədqiqat göstərmişdir ki, pandemiya dövründə ümumi vəziyyəti Amerika Anestezioloqlar Cəmiyyətinin təsnifatı üzrə 2-3-cü dərəcə kimi qiymətləndirilən pasiyentlər sayca üstünlük təşkil etmişdir (p<0,0001), cərrahlıq şöbələrində letal nəticələr işə pandemiya dövründə 6,2% olmuşdur. Pandemiya dövründə pasiyentlərdə COVID-19 fonunda koaqulopatiya ilə əlaqəli olan ağırlaşmalara mezenterium arteriyalarının trombozu, aşağı ətraf arteriyalarının trombozu, perional venoz tromboz, tromboflebit) daha çox rast gəlinmişdir.
Müəlliflərin fikrincə, COVID-19 infeksiyaları pasiyentlərin operativ müdaxiləyə hazırlandığı dövrdə trombyaranmaya meylliyi və koaqulopatiya törənməsi ehtimalı nəzərə alınaraq, antikoaqulyantlardan istifadə etməklə profilaktika tədbirləri görülməlidir.