Blastocystis hominis İNVAZİYASININ POTENSİAL RİSK FAKTORLARI

Аннотация

Məqalədə nəticələri təqdim edilən tədqiqatın məqsədi Blastocystis spp invaziyası üçün sosial, məişət və bioloji risk faktorlarının klinik və epidemioloji qiymətləndirilməsi olmuşdur. ATU-nun Epidemiologiya kafedrasında 2016-2018-ci illərdə blastosist invaziyasının yayılma səviyyəsini müəyyən etmək üçün 1720 müayinə aparılmışdır. Blastosist invaziyası hallarının illərə görə rastgəlmə tendensiyası öyrənilmiş və 2018-ci il ərzində patologiyanın yayılma səviyyəsi digər illərlə müqaisədə daha yüksək olmuşdur. Blastosist invaziyasına dair bütün risk faktorları arasında əhəmiyyətli faktor kimi dəri xəstəliklərini göstərmək olar (OR = 5,68, CI 95% 1,12-29,01) p<0,05. Yüksək yoluxma riskinə həmçinin viral hepatitin olmasını və təmizlənməmiş kran suyundan istifadəsini aid etmək olar. Dəri xəstəliklərindən əziyyət çəkən və B. Hominis invaziyası olan xəstələrdə disbiotik dəyişikliklər fonunda şərti-patogen mikroorqanizmlərinin – Klebsiella, Staphylococcus, Candida-nın kəmiyyətcə artımı, obliqat mikrofloranın isə, xüsusən də Lactobacillus, Bifidobacterium-un azalması müşahidə edilmişdir.