AZƏRBAYCAN-AMERİKA ƏCZAÇILAR ASSOSİASİYASININ FƏALİYYƏTİ HAQQINDA

Xülasə

Əczaçılıq dünyanın ən çox tədqiqat tələb edən sahələrindən biridir və müxtəlif dövlət və özəl qurumlar tərəfindən həyata keçirilən layihələrin uğuru üçün çox vacibdir. Bu baxımdan Azərbaycanda əczaçılıq elmləri və sənayesinin potensialını dəstəkləmək vacibdir. Bu missiya ilə Azərbaycan Amerika Əczaçılar Assosiasiyası akademik cəmiyyət kimi yaradılmış və ABŞ-ın Pensilvaniya ştatında xeyriyyə təşkilatı kimi rəsmi qeydiyyatdan keçmişdir. Assosiasiyanın missiyası gələcək əczaçıları hazırlamaq və ən son texnoloji nailiyyətlərdən istifadə edərək onların qlobal rəqabətliliyini artırmaqdır. Ümid edirik ki, Azərbaycan Amerika Əczaçılar Assosiasiyası gələcək əczaçıların cəmiyyətimizin səhiyyə ehtiyaclarını təmin etməsinə – xəstələrə qulluq, texnologiyaların inkişafı, ixtisaslaşmanın artırılması, səhiyyə sistemi ilə daha sıx inteqrasiyaya diqqət yetirməklə dəstək olacaqdır.