MƏDƏ VƏ YOĞUN BAĞIRSAQ XƏRÇƏNGİNİN DİAQNOSTİKASINDA TRANSABDOMİNAL ULTRASƏS MÜAYİNƏSİNİN İMKANLARI

Аннотация

Məqalədə 52 xəstədə mədə xərçənginin (MX) və 67 xəstədə yoğun bağursağ xərçənginin (YBX) diaqnostikasında transabdominal (TA) USQ-nin nəticələri şərh edilir. T2 mərhələdə MX 5 (9,6±4,1%), T3 mərhələdə 41 (78,9±5,7%), T4 mərhələdə 6 (11,5±4,0%) sayda, və YBX  müvafiq olaraq 6 (9,0±3,5%), 49 (73,1±5,4%) və 12 (17,9±4,7%) xəstədə diaqnostika edilib. 45 (86,5±4,7%) xəstədə MX şişə cəlb olunmuş divarın qeyri-hamar yerli qalınlaşması, 7 (13,5±4,7%) xəstədə isə yalançı böyrək əlaməti kimi özünü göstərmişdir. YB xərçəngində bu ultrasəs simptomları müvafiq olaraq 48 (71,6±5,5%) və 19 (28,4±5,5%) sayda qeydə alınıb. Şiş olan divarın qeyri-hamar yerli qalınlaşması simptomu mədə xərçəngi, yalançı böyrək simptomu isə yoğun bağırsağ xərçəngi olan xəstələrdə daha çox müşahidə edilmişdir (p<0,05). Şişin polipoid forması mədə xərçəngi olan 5 (9,6±4,1%), yoğun bağırsaq xərçəngi olan xəstələrdən isə 6 (9,0±3,5%) nəfərdə, xoralı-infiltrativ forması 41 (78,9±5,7%) və 49 (73,1±5,4%), ekzofitik forma - 6 (11,5±4,4%) və 12 (17,9±4,7%) nəfərdə müşahidə edilib. Şişin hər iki lokalizasiyasinda xoralı-infiltrativ forma polipoid və ekzofit formalara nisbətən əhəmiyyətli dərəcədə (p<0,001) daha çox müşahidə edilmişdir. Mədə xərçənginin diaqnostikasında TAUSG-nin həssaslığı 90,4%, spesifikliyi 71,4%, dəqiqliyi 88,1%, YBX diaqnostikasında isə müvafiq olaraq 86,6%, 63,6% və 83,3% təşkil edib. Tədqiqata əsasən belə nəticəyə gəlmək olar ki, transabdominal ultrasonoqrafiya, mədə və yoğun bağırsaq xərçənginin yerini, yayılmasını müəyyənləşdirmək və ilkin qiymətləndirməsini ucuz başa gələn qeyri-invaziv və kafi məlumat verə bilən üsuldur.